Euromedia24 on Play Store Euromedia24 on App Sore
BNB

$615.12

BTC

$83205

ADA

$0.712477

ETH

$1906.01

SOL

$128.25

5 °

Yerevan

0 °

Moscow

24 °

Dubai

6 °

London

8 °

Beijing

2 °

Brussels

9 °

Rome

5 °

Madrid

BNB

$615.12

BTC

$83205

ADA

$0.712477

ETH

$1906.01

SOL

$128.25

5 °

Yerevan

0 °

Moscow

24 °

Dubai

6 °

London

8 °

Beijing

2 °

Brussels

9 °

Rome

5 °

Madrid

ԱՄՆ Կոնգրեսը պետք է «ո՛չ» ասի Ադրբեջանին և նրա «պատանդների դիվանագիտությանը». սենատոր Էդվարդ Մարկի


ԱՄՆ Մասաչուսեթս նահանգից սենատոր Էդվարդ Մարկին (Ed Markey) կոչ է արել Միացյալ Նահանգներին և  միջազգային հանրությանը՝ գործի դնել բոլոր հնարավոր միջոցներն ու գործիքները, այդ թվում՝ այս տարի սպասվելիք COP29-ի անցկացման հանգամանքը, ապահովելու համար Ալիևի ռեժիմի կողմից ապօրինի ձերբակալված  հայ պատանդների և գերիների ազատ արձակումը: Սենատորը թե՛ Կոնգրեսին, և թե՛ Սպիտակ տանը կոչ է արել Ադրբեջանի և Հայաստանի կառավարությունների հետ բոլոր փոխգործակցություններում պնդել, որ քաղբանտարկյալների ազատ արձակումը պետք է նախապայման լինի ձեռք բերված ցանկացած զիջման կամ խաղաղության ցանկացած համաձայնագրի համար։ Սենատորի ելույթի ողջ ընթացքում ցուցադրվել է Արցախի նախկին պետնախարար, բարերար Ռուբեն Վարդանյանի ապօրինի ձերբակալման լուսանկարը: Ստորև թարգմանաբար ներկայացվում է սենատորի ելույթը, իսկ տեսանյութը հասանելի է այս հղումով:«Այսօր ժամանել եմ՝ խոսելու Ադրբեջանի կողմից հայ ռազմագերիներին ապօրինաբար կալանավորելու և այդ երկրում մարդու իրավունքների համատարած ոտնահարումների ահազանգող ցուցանիշների մասին։ 2023 թվականի սեպտեմբերի 19-ին Ադրբեջանը լայնածավալ ռազմական հարձակում սանձազերծեց Լեռնային Ղարաբաղի դեմ՝ այդ տարածքի նկատմամբ լիակատար վերահսկողություն սահմանելու նպատակով, ինչի հետևանքով ավելի քան 100 հազար էթնիկ հայեր, բառացիորեն տարածաշրջանի բոլոր հայերը, զանգվածաբար արտագաղթեցին։ Այնուհետև Ադրբեջանը կեղծորեն հերքեց, որ ստիպել է մարդկանց հեռանալ և անազնվաբար խոստացավ, թե խաղաղ ճանապարհով կինտեգրի տարածաշրջանը և կերաշխավորի էթնիկ հայերի իրավունքները:Փոխարենը, նույնիսկ նրանց կապիտուլյացիայից հետո Ադրբեջանը, որպես պատժիչ գործողություն, ձերբակալեց, այնուհետև՝ կալանավորեց Ղարաբաղի նախկին իշխանության ղեկավարներին, այդ թվում՝ նախկին պետնախարար Ռուբեն Վարդանյանին, որի լուսանկարն այստեղ է, նախկին նախագահներ Արկադի Ղուկասյանին, Բակո Սահակյանին և Արայիկ Հարությունյանին,նախկին արտգործնախարար Դավիթ Բաբայանին, խորհրդարանի խոսնակ Դավիթ Իշխանյանին եւ գեներալներ Լեւոն Մնացականյանին ու Դավիթ Մանուկյանին։
Այս ութ նախկին պաշտոնյաներն ավելի քան ութ ամիս գտնվում են նախնական կալանքի տակ։ Բոլորովին վերջերս՝ անցյալ ամիս, Ադրբեջանի իշխանությունները երկարաձգեցին նրանց կալանքը ևս հինգ ամսով՝ առանց դատավարության, առանց պատշաճ իրավական ընթացակարգի։ Ադրբեջանը պարբերաբար կիրառում է «պատանդների դիվանագիտություն»՝ երկարաձգելով անօրինական կալանքն ու ռազմագերիներին օգտագործելով որպես սակարկման առարկա՝ իր պահանջները Հայաստանին պարտադրելու նպատակով, ինչը միջազգային իրավունքի բացահայտ խախտում է։ Փաստացի, Ադրբեջանը դեռևս պահում է տասնյակ հայ ռազմագերիների և քաղաքացիական անձանց, որոնց գերեվարել է 2020 թվականի Լեռնային Ղարաբաղի պատերազմի ժամանակ։Ի հավելումն, համատարած զեկույցները, այդ թվում՝ Human Rights Watch-ի, Մարդու իրավունքների միջազգային դաշնության և Միացյալ Նահանգների Պետքարտւղարության, ահազանգում են Ադրբեջանի կողմից քաղբանտարկյալների նկատմամբ սարսափելի վերաբերմունքի մասին: Հենց միայն նախկին պետնախարար Ռուբեն Վարդանյանը՝ իբրև պատժիչ գործողություն, ենթարկվել է մենախցում պահվելու ժամկետի երկարաձգման, անմխիթար պայմանների, ջուր և մաքուր հագուստ տրամադրելու մերժման և ժամեր շարունակ անդադար ոտքի վրա կանգնելու հրամանների: Նա նաև մի քանի շաբաթ շարունակ զրկված է եղել փաստաբանի և ընտանիքի հետ կապից։Չնայած մարդու իրավունքների ոտնահարման ակնհայտ օրինակներին՝ միջազգային հանրության կողմից Ադրբեջանը քիչ վնասներ է կրել՝ էթնիկ հայերի նկատմամբ իր դաժան բռնությունների և քաղբանտարկյալների անօրինական կալանավորումների համար: Ալիևի ռեժիմը կարծում է, որ կարող է շարունակաբար գործել միջազգային և Միացյալ Նահանգների օրենքների կոպտագույն խախտումներով, և հենց այդ իսկ պատճառով էլ Կոնգրեսը պետք է արտահայտվի ու ասի՝ «ո՛չ» Ադրբեջանին, «ո՛չ» «պատանդների դիվանագիտությանը» և Ադրբեջանի կողմից քաղբանտարկյալներ գերեվարմանը։ «Ո՛չ»՝ բանտարկյալներին ու քաղբանտարկյալներին դաժան և անմարդկային պատժի ենթարկմանը, «ո՛չ»՝ տարածաշրջանում էթնիկ հայերի իրավունքների ժխտմանը, և «ո՛չ»՝ Ադրբեջանի կողմից քաղբանտարկյալների ազատ արձակումը ևս մեկ օրով հետաձգմանը։Ադրբեջանը պետք է դադարեցնի քաղբանտարկյալների նկատմամբ իր բոլոր բռնությունները։ Նա պետք է ազատ արձակի բոլոր քաղբանտարկյալներին և ռազմագերիներին։Այդ իսկ պատճառով ես նամակ հղեցի պետքարտուղար Էնթոնի Բլինքենին՝ հորդորելով Պետքարտուղարությանը Հայաստանի և Ադրբեջանի միջև ընթացող խաղաղ բանակցություններում առաջնահերթություն տալ հայ գերիների ազատ արձակմանը և Լեռնային Ղարաբաղի հայերի՝ իրենց տները վերադառնալու իրավունքին: Ադրբեջանն ասում է, թե ցանկանում է խաղաղություն, բայց այն, ինչ նա իրականում ցանկանում է, անպատիժ գործելն է և, մի բան էլ, Միացյալ Նահանգների և միջազգային հանրության կողմից պարգևատրվելը, այդ թվում՝ այս տարվա վերջին ՄԱԿ-ի կլիմայական COP29 միջազգային կոնֆերանսը հյուրընկալելու արտոնությամբ:Դուք չեք կարող, մի կողմից ասել, որ ցանկանում եք հյուրընկալել աշխարհը, իսկ հետո միաժամանակ ասել, թե «անտեսեք մեր մարդու իրավունքների վիճակը, անտեսեք այն փաստը, որ մենք վերջերս ձերբակալել ենք այլ երկրի քաղաքական առաջնորդներին, և ձևացրեք, որ մենք դեռ արժանի ենք հյուրընկալելու մոլորակի կլիմայական գագաթնաժողովը»:Ես կոչ եմ անում և՛ Կոնգրեսին, և՛ Սպիտակ տանը՝ Ադրբեջանի և Հայաստանի կառավարությունների հետ բոլոր փոխգործակցություններում պնդել, որ քաղբանտարկյալների ազատ արձակումը պետք է նախապայման լինի ձեռք բերված ցանկացած զիջման, ցանկացած պարգևի կամ խաղաղության ցանկացած համաձայնագրի համար։ Մենք պետք է «ո՛չ» ասենք Ադրբեջանի կողմից միջազգային իրավունքի և մարդու իրավունքների ոտնահարումներին և երաշխավորենք, որ մեղավորները պատասխանատվության ենթարկվեն։ Հիմա կատարյալ ժամանակն է այս զրույցը վարելու համար: Ադրբեջանը պատրաստվում է ընդունելու աշխարհի կլիմայական գագաթնաժողովը։ Մենք պետք է օգտվենք այս հնարավորությունից՝ ուշադրության կենտրոնում պահելու բոլոր այն քաղբանտարկյալներին, որոնք ապօրինաբար պահվում են Ադրբեջանի կառավարության կողմից։ Սա մարդու միջազգային իրավունքների կոպտագույն ոտնահարում է, և ես կոչ եմ անում մեր կառավարությանը և համայն աշխարհին՝ ուշադրություն դարձնել այս քաղբանտարկյալների վրա, որ նրանք ազատ արձակվեն մինչև կլիմայի փոփոխությանը նվիրված գագաթնաժողովը, որն անցկացվելու է այս տարվա վերջում»:

Լրահոս

Ծեծի են ենթարկել պատերազմների մասնակից Տիգրան Ուլուբաբյանին
Ուկրաինական պատերազմի խոշոր բաժնետերը Չինաստանն է՝ ԱՄՆ-ի ու Ռուսաստանի կողքին. Հակոբ Բադալյան
Մի շարք հասցեներում լույս չի լինի
Ադրբեջանը տեղեկատվական սադրանքների է գնում՝ հետաձգելու համար պայմանագրի ստորագրումը․ Արսեն Թորոսյան
Արցախի լեգենդար հրամանատարը Գյումրիում դարձյալ մասնակցում էր քարոզարշավի․ Aravot.am
Հարավային Կովկասում հակամարտությունը պետք է ավարտվի. Մայք Ուոլց
Հայաստանի դեմ տեղի է ունենում ապատեղեկատվական, քարոզչական գործողություն․ Վարդան Ոսկանյան
Ադրբեջանն ու՞մ է հասցեագրում այդ հայտարարությունները․ Արմեն Այվազյան (տեսանյութ)
Գազ չի լինի. հասցեներ
99 հոգանոց ցուցակ ՔՊ-ից՝ մեծ թվով բուժհաստատությունների ու դպրոցների տնօրեններով. Aravot.am
Արդյո՞ք մարտի 17-ին սպասվում է մագնիսական փոթորիկ. կանխատեսում եղանակի նկատմամբ զգայուն մարդկանց համար
Հոսպիտալացումից հետո առաջին անգամ հրապարակվել է Հռոմի պապի լուսանկարը
Ջուր չի լինի հարյուրավոր հասցեներում
Կանխվել է հրդեհի տարածումը դեպի հարակից անտառ
Ռուսաստանն ու ԱՄՆ-ն հավատարիմ են Ուկրաինայում երկարաժամկետ, տևական խաղաղությանը. Վիթքոֆ
Մարդիկ ռիսկ են անում Նիկոլ Փաշինյանին կոռուպցիայով առանց բիտում ասֆալտ ներկայացնել՝ չվախենալով. Արթուր Չախոյան
ՊՆ Վազգեն Սարգսյանի անվան ռազմական ակադեմիայի կուրսանտների վարժանքները Հունաստանում (տեսանյութ)
Փաշինյանը հեռախոսազրույց է ունեցել Էմանուել Մակրոնի հետ
Ադրբեջանի ՊՆ-ն այսօր արդեն երրորդ անգամ է ապատեղեկատվություն տարածում
Զելենսկին Ուկրաինայի ԶՈՒ նոր ԳՇ պետ է նշանակել

Լրացուցիչ նորություններ

...

ԱՄՆ-ը կարող է ընդլայնել ռազմական գործունեությունը Մերձավոր Արևելքում․ Politico

Սորոսը պատերազմ է հայտարարել Թրամփին. ԶԼՄ

ԱՄՆ-ը դադարեցնում է «Ազատություն» ռադիոկայանի ֆինանսավորումը

ԱՄՆ պետքարտուղարը պատասխանել է Պուտինին վստահության վերաբերյալ հարցին

Ինչ է Թրամփը խոստացել անել մարտի 17-ին (տեսանյութ)

Ամերիկայի հայկական համագումարը Բաքվում հայ գերիների հարցով դիմել է Թրամփին

ԱՄՆ նախագահը դեմ է միջուկային զենքի տարածմանը դեպի Եվրոպայի արևելք․ ԱՄՆ փոխնախագահ (տեսանյութ)

ԱՄՆ-ն ուսումնասիրում է «Գազպրոմի» հետ համատեղ նախագծերի հնարավորությունը (տեսանյութ)

ԱՄՆ-ն ուսումնասիրում է «Գազպրոմի» հետ համատեղ նախագծերի հնարավորությունը (տեսանյութ)

Թրամփը խոսել է Ուկրաինայում խաղաղության հարցում Զելենսկու դիրքորոշման մասին

Հերթը Ռուսաստանինն է. ԱՄՆ պաշտոնյաները Մոսկվա են մեկնում հրադադարի առաջարկով. Թրամփ (տեսանյութ)

Թրամփը հուսով է, որ առաջիկա օրերին ուկրաինական հակամարտությունում հրադադար կստեղծվի

Reuters. Զելենսկին սկանդալից հետո կարող է նորից հրավիրվել Սպիտակ տուն

ԱՄՆ-ն ու Ուկրաինան պայմանավորվել են հանքային ռեսուրսների մասին համաձայնագրի շուրջ

ԱՄՆ պետքարտուղարը մեկնաբանել Է Պուտինի և Թրամփի հավանական հանդիպումը (տեսանյութ)

USAID ծրագրերի 83%-ը փակվում է. Պետքարտուղարը մանրամասներ է հայտնել

Թրամփի վարչակազմը դիտարկում է հակառուսական պատժամիջոցների թուլացման հարցը

Թրամփը համոզված է, որ թե՛ Ռուսաստանը, թե՛ Ուկրաինան հավատարիմ են հակամարտության կարգավորմանը

Թրամփը հայտարարել է, որ Ուկրաինան այլընտրանք չունի խաղաղության համաձայնագրում

Թրամփը կոչ է անում ազատվել միջուկային զենքից