Ռուսաստանի նախագահ Վլադիմիր Պուտինը և Ղազախստանի ղեկավար Կասիմ-Ժոմարտ Տոկաևը չորեքշաբթի օրը՝ նոյեմբերի 27-ին, Աստանայում ստորագրել են համատեղ հայտարարություն՝ նոր գլոբալ կարգի համատեքստում ռազմավարական գործընկերության խորացման մասին։
Ստորագրումը տեղի է ունեցել երկու նախագահների բանակցություններից հետո։
Նույն օրն ավելի վաղ Պուտինը երկօրյա այցով ժամանել է Ղազախստան, իսկ օդանավակայանում նրան դիմավորել է Տոկաևը։ Հանդիպմանը նախագահները քննարկել են երկկողմ հարաբերությունների զարգացումը, իսկ Ղազախստանի ղեկավարը նշել է, որ Աստանան եղել և մնում է Մոսկվայի հուսալի ռազմավարական գործընկերն ու դաշնակիցը։
