Գերմանիայի կանցլեր Օլաֆ Շոլցը, ում Գերմանիայի Սոցիալ-դեմոկրատական կուսակցության (SPD) ղեկավարությունը երկուշաբթի օրը ընտրել է որպես առաջիկա արտահերթ ընտրություններում կանցլերի թեկնածու, ասել է, որ մտադիր է շարունակել բանակցությունները Ռուսաստանի առաջնորդ Վլադիմիր Պուտինի հետ։
«Ոչ սա նախընտրական քարոզարշավի մաս չէ, և ես կարծում եմ, որ քաղաքացիները դրան ավելի լուրջ են վերաբերվում: Նրանք կարծում են, որ դա պետք է անել: Եվ ես կշարունակեմ բանակցել, քանի որ ես ներկայացնում եմ այս երկիրը Եվրոպայում և աշխարհում, մենք շատ պատասխանատու պետք է գործենք, երբ խոսքը վերաբերում է խաղաղությանը և անվտանգությանը»,- ZDF-ին տված հարցազրույցում ասել է Շոլցը՝ պատասխանելով հաղորդավարի այն նկատառմանը, որ հեռախոսազրույցը կարող է լինել նախընտրական քարոզարշավի մաս։
Նա նաև նշել է, որ իր նախաձեռնությունը համարում է «պատասխանատու և անհրաժեշտ որոշում», քանի որ եթե անգամ կողմերը համաձայն չեն, «մենք պետք է խոսենք միմյանց հետ»։
Միաժամանակ, նա ընդգծել է, որ մեկ հեռախոսազրույցով չի կարելի խաղաղություն հաստատել։
