Փաստ օրաթերթը գրում է.
Օգոստոսին 12-ամսյա գնաճը կազմել է 4,4%, իսկ բնականոն գնաճը՝ 4,8%, այն դեպքում, երբ գնաճի թիրախը 3% է։ ԿԲ-ի գնահատմամբ՝ ներքին պահանջարկը աճում է այնպիսի տեմպերով, որ կարող է գերազանցել տնտեսության կայուն հնարավորությունները։
Տոկոսադրույքի բարձրացումը նշանակում է ավելի խիստ ֆինանսական պայմաններ․ վարկերի թանկացման, սպառման զսպման և խնայողությունների խրախուսման հավանականությունը մեծանում է։
ԿԲ-ի համար լրացուցիչ ռիսկեր են կոմունալ ծառայությունների հնարավոր թանկացումը, արտաքին գնաճը, ներմուծվող ապրանքների արժեքի աճը և աշխարհաքաղաքական անորոշությունը։
Այս քայլով ԿԲ-ն փորձում է կանխել, որ առանձին թանկացումները վերածվեն երկարատև և ավելի լայն գնաճային գործընթացի։
