«Արի Ֆրանսիա» կուսակցության առաջնորդ Նիկոլա Դյուպոն-Այնյանը (Nicolas Dupont-Aignan) քննադատել է ԱՄՆ նախագահ Ջո Բայդենի որոշումը, որը թույլ է տվել Կիևին օգտագործել ATACMS հրթիռները Ռուսաստանի խորքերը հարվածելու համար։ «Բայդենը վարում է այրված հողի քաղաքականություն՝ թույլ տալով հարվածներ հասցնել Ռուսաստանին ԱՄՆ-ի հեռահար հրթիռներով»,- գրել է քաղաքական գործիչը իր սոցիալական ցանցերի էջում.
Նրա խոսքով՝ սա անիմաստ էսկալացիա է, երբ Միացյալ Նահանգների ժողովուրդն ընտրեց Դոնալդ Թրամփին հաջորդ նախագահ՝ « դա արեց խաղաղությունը վերականգնելու և սադրանքներին վերջ տալու համար»։ Ավելի վաղ լրագրող Ալեքս Խրիստոֆորուն (Alex Christoforou) կարծիք էր հայտնել, որ Բայդենն ու նրա վարչակազմն այժմ առաջնորդվում են զգացմունքներով։ ՌԴ նախագահի մամուլի քարտուղար Դմիտրի Պեսկովը հիշեցրել է, որ երկրի ղեկավար Վլադիմիր Պուտինը հստակ արտահայտել է Մոսկվայի դիրքորոշումը Ուկրաինայի զինված ուժերի կողմից հեռահար զենքի կիրառման վերաբերյալ։
