Նոյեմբերի 17-ի երեկոյան Սումիի վրա ռուսական հարվածի ժամանակ հրթիռը խոցել է ինը հարկանի բնակելի շենքը, ինչի հետևանքով՝ զոհվել է 11 մարդ, ևս 68-ը վիրավորվել են, հաղորդում է dw.com-ը։ Մահացածների թվում կա երկու երեխա՝ 9-ամյա տղա և 14-ամյա աղջիկ, իսկ վիրավորների թվում՝ 10 երեխա։
Ավելի վաղ Ուկրաինայի արտակարգ իրավիճակների պետական ծառայությունը հաստատել է ավելի քան 400 մարդու տարհանումը վնասված տան փլատակների տակից։
Հարևան վեց բարձրահարկ շենքերում կոտրվել են ապակիներ, ոչնչացվել է չորս ավտոմեքենա։
«Հրթիռային հարված է հասցվել Սումիում գտնվող ինը հարկանի շենքին։ Ցավակցում եմ ընտանիքներին և մերձավորներին», - գրել է Ուկրաինայի նախագահ Վոլոդիմիր Զելենսկին իր Telegram-ի ալիքում։
