Իրանը կբանակցի իր միջուկային ծրագրի շուրջ բացառապես ազգային շահերը հաշվի առնելով և չի ընդունի արտաքին ճնշումն ու շանտաժը։ Այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսիի հետ հանդիպումից հետո։
«Իրանը երբեք չի լքել բանակցությունների սեղանը իր խաղաղ միջուկային ծրագրի շուրջ: Գնդակը գտնվում է ԵՄ-ի դաշտում»,- X-ում գրել է Արաղչին։
Իրանցի նախարարը ՄԱԳԱՏԷ-ի ղեկավարի հետ հանդիպումը անվանել է «կարևոր և անկեղծ» և կոչ արել բոլոր տարաձայնությունները լուծել համագործակցության և երկխոսության միջոցով։
Հունիսի 6-ին Վիեննայում միջազգային կազմակերպություններում Իսլամական Հանրապետության մշտական ներկայացուցիչ Մոհսեն Նազիրի Ասլը «եվրոպական եռյակի» երկրներին (Մեծ Բրիտանիա, Գերմանիա և Ֆրանսիա) պատասխանատու է համարել ՄԱԳԱՏԷ-ի կողմից Իրանի հնարավոր պատասխան քայլերի համար:
