Քեթի Փերին ելույթ կունենա Ասիայի ամենահարուստ մարդու որդու երկրորդ նախահարսանեկան տոնակատարությանը

Զբոսաշրջային նավը, որի վրա տեղի է ունենում Ասիայի ամենահարուստ մարդու՝ Մուկեշ Ամբանիի որդու՝ Անանտի եւ նրա հարսնացու Ռադհիկա Մերչանտի երկրորդ նախահարսանեկան տոնակատարությունը, ճանապարհ է ընկել Պալերմոյից: Շքեղ զբոսանավում կա 800 հյուր եւ 600 անձնակազմ, հայտնում է The Sunday Times-ը։Նավը մի քանի կանգառ կկատարի եվրոպական հայտնի քաղաքներում, ինչպիսիք են Հռոմը, Կաննը եւ Պորտոֆինոն:Նավարկության թեման է «La vita è un viaggio» (կյանքը ճանապարհորդություն է), հայտնում է հրատարակությունը։ Այս թեման տարածված է նաեւ հնդկական, իտալական եւ ֆրանսիական խոհանոցներից հայտնի բոլոր ուտեստների վրա, որոնք մատուցվում են նավի հյուրերին, ինչպես նաեւ՝ ծրագրված միջոցառումների վրա, ներառյալ դիմակահանդեսը եւ հռոմեական երեկույթը:Հյուրերի եւ ապագա նորապսակների ժամանցը կապահովի Քեթի Փերին։ The Sun-ը հայտնել է, որ 39-ամյա երգչուհին ուրբաթ օրը Կաննում ելույթ է ունենալու զույգի դիմակահանդեսին։ Աղբյուրը նշում է, որ նավը կանգ կառնի ֆրանսիական քաղաքում, որից հետո հյուրերը կուղեւորվեն «40 միլիոն ֆունտ ստեռլինգ» արժողությամբ կալվածք՝ «մեծ երեկույթը» շարունակելու համար: «Խնջույքն ինքնին կտեւի հինգ ժամ, այն կգլխավորի Քեթին, կլինի նաեւ դիջեյ: Այնուհետեւ հյուրերին կմատուցվի հսկայական հրավառություն»:«Երբ նրանք ասում են, որ ծախսերի վրա չեն խնայել, նրանք, իսկապես, դա նկատի ունեն»,-հավելել է աղբյուրը:Քեթի Փերին նույնպես, հավանաբար, հսկայական հոնորար կստանա: Ըստ Forbes-ի՝ Ռիհաննան, ով երգել էր զույգի առաջին նախահարսանեկան միջոցառմանը, իր ելույթի համար ստացել է 5 միլիոն ֆունտ ստեռլինգ։Նշենք, որ մեկնման օրը հյուրերի համար երգել է ամերիկյան Backstreet Boys խումբը։Ամբանին եւ Մերչանտը պատրաստվում են ամուսնանալ հուլիսին: