Ռուսաստանի նախագահ Վլադիմիր Պուտինը և Արաբական Միացյալ Էմիրությունների (ԱՄԷ) նախագահ Մոհամեդ բին Զայեդ ալ Նահյանը հեռախոսազրույց են ունեցել դիվանագիտական հարաբերությունների հաստատման 55-ամյակի առիթով։ Այս մասին հաղորդում է Կրեմլի մամուլի ծառայությունը։
Երկկողմ հարաբերություններից բացի, երկու ղեկավարները քննարկել են այն համաձայնությունները, որոնք ԱՄՆ նախագահ Դոնալդ Թրամփի հետ ձեռք են բերվել ռուսական դիզելային վառելիքի մատակարարումների վերաբերյալ։
«Միջազգային օրակարգի վերաբերյալ մտքերի փոխանակման ընթացքում կողմերն անդրադարձել են այն համաձայնություններին, որոնք ձեռք են բերվել ԱՄՆ նախագահ Դոնալդ Թրամփի հետ Վլադիմիր Պուտինի հեռախոսազրույցի արդյունքներով՝ ռուսական դիզելային վառելիքի մատակարարումների վերաբերյալ», – ասվում է հաղորդագրության մեջ:
Քննարկվել են նաև Պարսից ծոցի գոտում ճգնաժամային իրավիճակի կարգավորման հեռանկարները։
Ըստ Պուտինի և Թրամփի միջև ձեռք բերված համաձայնության՝ ԱՄՆ-ն վեց ամսով կասեցրել է ՌԴ-ի նկատմամբ վառելիքի արտահանման պատժամիջոցները։
Կողմերը պայմանավորվել են, որ առաջիկա ամիսներին Ռուսաստանն ամերիկյան և համաշխարհային շուկա կմատակարարի մոտ 2 միլիոն տոննա դիզելային վառելիք։
