Այսօր՝ օգոստոսի 29-ին, հրդեհ է բռնկվել Կոտայքի մարզի Աբովյան քաղաքի Օգոստոսի 23 փողոցում․ հայտնում է SHAMSHYAN.com-ը։Ժամը 13։45-ի սահմաններում ՆԳՆ 112 օպերատիվ կառավարման կենտրոն ահազանգ է ստացվել ավտոմեքենայի հրդեհի մասին։
Դեպքի վայր ժամանած հրշեջ-փրկարարները կանխել են 45-ամյա Վահան Ս․-ի վարած «Mercedes»-ի շարժիչի հատվածում առաջացած կրակի տարածումը, ապա մարել այն։ Մինչ փրկարարների ժամանումը՝ կրակի տարածման դեմ պայքարել են քաղաքացիները։
Դեպքի վայրում աշխատել են նաև պարեկային ծառայության և համայնքային ոստիկանության ծառայողները։ Հրդեհի հետևանքով, ըստ նախնական տեղեկությունների, տուժածներ չկան։
Դեպքի հանգամանքները պարզվում են։
