Մադրիդի «Ռեալի» ֆրանսիացի հարձակվող Կիլիան Մբապեն կողմ է թիմի գլխավոր մարզիչ Կարլո Անչելոտիի պաշտոնանկությանը։ Այս մասին հայտնում է El Gol Digital-ը։
Ըստ աղբյուրի՝ արդյունքների հետ կապված խնդիրների ֆոնին մասնագետը կորցրել է հանդերձարանի կառավարումը։ Նրա հրաժարականին կողմ են նաև Ֆեդերիկո Վալվերդեն, Կիլիան Մբապեն, Ֆերլան Մենդին, Աուրելիեն Չուամենին և Էդուարդո Կամավինգան։ Մասնագետին աջակցում է բրազիլացի Վինիսիուս Ժունիորը։
Ինքը՝ Անչելոտին, թիմի գլխավոր խնդիրը համարում է Մբապեին։ Մասնագետը դժգոհ է, որ Մբապեն չի աշխատում պաշտպանությունում։ Անչելոտին կարծում է, որ այդ պատճառով թիմի խաղում անհավասարակշռություն է առաջացել։
Վերջին երկու խաղերում Մադրիդի «Ռեալը» պարտություններ կրեց՝ նախ Իսպանիայի առաջնությունում 0։4 հաշվով զիջեց «Բարսելոնային», իսկ հետո սեփական մարզադաշտում խմբային փուլում պարտվեց «Միլանին» (1։3)։ Չեմպիոնների լիգան։
Հաջորդ հանդիպումը մադրիդցիները կանցկացնեն նոյեմբերի 9-ին իսպանական Լա լիգայում ու կխաղան «Օսասունայի» հետ։
