ՌԴ նախագահ Վլադիմիր Պուտինը հեռագիր է հղել՝ ցավակցություն հայտնելով Պակիստանի նախագահ Ասիֆ Ալի Զարդարիին և վարչապետ Շահբազ Շարիֆին՝ երկաթուղային կայարանում տեղի ունեցած ահաբեկչության կապակցությամբ։ Դրա տեքստը հրապարակվել է Կրեմլի կայքում։
«Հարգելի պարոն նախագահ, հարգելի պարոն վարչապետ, ընդունեք իմ խորին ցավակցությունները Քվետայի երկաթուղային կայարանում տեղի ունեցած ահաբեկչության ողբերգական հետևանքների կապակցությամբ»,- ասված է հեռագրում։
Պուտինը խնդրել է կարեկցանքի և զորակցության խոսքեր փոխանցել զոհվածների ընտանիքներին և ընկերներին, իսկ վիրավորներին՝ շուտափույթ ապաքինման մաղթանքներ։
«Ռուսաստանը դատապարտում է այս հանցագործությունը, որի զոհերը կանայք և երեխաներ են, և ակնկալում է, որ դրա կազմակերպիչներն արժանի պատիժ կստանան»,-ընդգծել է նախագահը և հավելել, որ Մոսկվան մտադիր է սերտորեն համագործակցել Իսլամաբադի հետ ահաբեկչության բոլոր ձևերի և դրսևորումների դեմ պայքարում։
Ավելի վաղ հայտնել էինք, որ Պակիստանում մահապարտ ահաբեկիչը պայթյուն է իրականացրել երկաթուղային կայարանում։
