Պակիստանի ներքին գործերի նախարար Մոհսին Նաքվին ժամանել է Թեհրան՝ իրանցի պաշտոնյաների հետ բանակցություններ վարելու համար, հաղորդում է Mehr-ը։
Ինչպես հաղորդում է իրանական լրատվամիջոցը՝ հղում անելով դիվանագիտական աղբյուրներին, Նաքվին երեքշաբթի առավոտյան Իսլամաբադից մեկնել է Իրանի մայրաքաղաք։ Այցի ընթացքում նախատեսվում է քննարկել երկկողմ հարաբերությունները և փոխադարձ հետաքրքրություն ներկայացնող հարցերը։
Այցը տեղի է ունեցել Իրանի ներքին գործերի նախարար Էսքանդար Մոմենիի Իսլամաբադ կատարած այցից մեկ ամիս անց, որտեղ նա բանակցություններ է վարել պակիստանցի գործընկերոջ հետ։
Պակիստանն ու Կատարը հունիսին առանցքային միջնորդական դեր են խաղացել Իրանի և ԱՄՆ-ի միջև փոխըմբռնման հուշագրի ձեռքբերման գործում, որը միտված էր դադարեցնելու վերջին հակամարտությունը։
Սակայն Թեհրանը հայտարարում է, որ Վաշինգտոնը խախտել է պայմանավորվածությունները, ինչը հանգեցրել է Իրանի կողմից Հորմուզի նեղուցի կրկնակի փակմանը։
Իրանական կողմը հայտարարել էր, որ պատրաստ է բացել նեղուցը ԱՄՆ-ի կողմից խախտումների դադարեցումից և այդ խախտումների հետևանքով հասցված վնասի փոխհատուցումից հետո։
