Հանձնառու ենք նպաստել Ադրբեջանում ժողովրդավարության զարգացմանը. Բլինքեն

28.05 19:01 | Կատեգորիա ԱՄՆ

ԱՄՆ պետքարտուղարը շնորհավորական ուղերձ է հղել Ադրբեջանի անկախության օրվա կապակցությամբ՝ նշելով, որ Վաշինգտոնը կարևորում է Բաքվի հետ հարաբերությունները և հանձնառու է նպաստելու այդ երկրում ժողովրդավարության զարգացմանը, մարդու իրավունքների ու հիմնարար ազատությունների հարգմանը: «Վերջին 32 տարվա ընթացքում կառուցել ենք փոխադարձ շահերի վրա հիմնված գործընկերություն, մասնավորապես՝ անվտանգության և էներգետիկ ոլորտներում: Գնահատում ենք այդ հարցերում մեր ներգրավվածությունը խորացնելու հնարավորությունը. խոսքը նաև ավելի կարևոր գլոբալ ոլորտների մասին է, ինչպիսիք են կլիմայի փոփոխությունը և կանաչ էներգիային անցումը»,- ասված է պետքարտուղարության հաղորդագրության մեջ: Էնթոնի Բլինքենը ողջունել է նոյեմբերին Բաքվում ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ նստաշրջանի անցկացումը:«Միացյալ Նահանգները ողջունում է նաև Հայաստանի և Ադրբեջանի միջև կայուն ու արժանապատիվ խաղաղության հաստատման աշխատանքները, պատրաստ ենք այսուհետ էլ աջակցել այդ ջանքերին՝ շրջելու երկարամյա հակամարտության էջը և կառուցելու ավելի լավ ապագա»,- նշել է դիվանագետը: Պետքարտուղարի համոզմամբ՝ այդ գործընթացը կնպաստի հաղորդակցության ամրապմնդմանը և տնտեսական օգուտներ կբերի ամբողջ տարածաշրջանին:Բլինքենը նաև վերահաստատել է Միացյալ Նահանգների աջակցությունը Ադրբեջանի անկախությանը, տարածքային ամբողջականությանը և ինքնիշխանությանը։

Լրահոս

15:41

Վիրավորական է՝ մարտի 1-ի գործով «դակիչ» հանդիսացող մարդիկ կարող են պաշտոն զբաղեցնել․Վահագն Ալեքսանյան

15:39

Փաշինյանի մուրճից ոչ ոք չի վախենում, թող Ալիեւի ուղղությամբ թափահարի դա. Օհանյան

14:34

Բաքվից ցինիկորեն առաջարկում են ՀՀ տարածքով անցնող ճանապարհն անվանել Ալիևի անունով. ՔՊ-ի արձագանքը

14:27 Կարևոր