Գյումրու ավագանին այսօր նիստ էր հրավիրել նոր համայնքապետ ընտրելու օրակարգով, սակայն ավագանու նիստին ներկա անդամները 30 րոպե սպասեցին քվորում ապահովելու նպատակով, ինչից հետո «Քաղաքացիական պայմանագիր» կուսակցության անդամ, փոխքաղաքապետ Արթուր Պապիկյանը հայտարարեց․
«Այս պահին նիստերի դահլիճում ներկա են ավագանու 11 անդամներ, քվորում չկա, նիստը համարվում է չկայացած»։
Հիշեցնենք, որ իշխող «Բալասանյան» դաշինքը ողջ կազմով, այդ թվում՝ քաղաքապետ Վարդգես Սամսոնյանը, Գյումրիի ավագանու մանդատները վայր են դրել, ինչից հետո անհրաժեշտություն է առաջացել նոր համայնքապետ ընտրել։
