2026 թվականի սեպտեմբերի 3-ին և 4-ին Մոնակոյի հինգաստղանի հյուրանոցներից մեկում կանցկացվի «Armenia Connection Monte Carlo 2026» միջոցառումը, որի նպատակն է ներկայացնել Հայաստանը՝ որպես բարձրորակ արտադրանքի, հարուստ մշակույթի, ներդրումային հնարավորությունների և բացառիկ ավանդույթների երկիր։
Միջոցառման ընթացքում հյուրերը հնարավորություն կունենան ծանոթանալու հայկական լյուքս դասի արտադրանքներին, մասնակցելու հայկական գինու, կոնյակի և այլ բարձրակարգ խմիչքների համտեսի, ինչպես նաև այցելելու միջազգային ճանաչում ունեցող հայ ոսկերիչների և ադամանդագործների ցուցահանդեսը։
Ծրագրում նախատեսված է նաև բարեգործական համերգ՝ հայտնի հայ օպերային երգիչների մասնակցությամբ, իսկ հաջորդ օրը կկայանա բացառիկ Brunch & Networking հանդիպում՝ Մոնակոյի ընտրված հյուրերի մասնակցությամբ։ Երկու ժամվա ընթացքում կարճ և բովանդակալից ներկայացումներով կբացահայտվեն Հայաստանի ներդրումային միջավայրը, զբոսաշրջությունը, գինեգործությունը, կոնյակագործությունը, գաստրոնոմիան, ոսկերչությունը, անշարժ գույքը և մեր երկրի այլ մրցունակ ոլորտները՝ ստեղծելով նոր գործարար կապերի և համագործակցության հնարավորություններ։
Եթե Ձեր ընկերությունն ունի միջազգային շուկայում ներկայացվելու արժանի հայկական արտադրանք կամ ծառայություն, կարող եք դիմել միջոցառման կազմակերպիչներին՝ մասնակցության հնարավորությունը քննարկելու համար։
Մասնակցության վերաբերյալ տեղեկությունների համար՝
099 58 09 02
