Թուրքիան առաջին անգամ ռազմական նավ է վաճառել ՆԱՏՕ-ի անդամ երկրի՝ Ռումինիայի ռազմածովային ուժերին:
Ստամբուլում տեղի ունեցած արարողության ընթացքում Ռումինիային է հանձնվել Cam. Roman. կորվետը։ Միջոցառմանը մասնակցել են Թուրքիայի նախագահ Ռեջեփ Թայիփ Էրդողանը և Ռումինիայի նախագահ Նիկուշոր Դանը։
«Մեր ռազմական նավաշինության ոլորտը Թուրքիայի Հանրապետության 103-ամյա պատմության ընթացքում ապրում է ամենաինտենսիվ և ամենաարդյունավետ շրջանը։ Մենք այն երկրներից ենք, որոնք միաժամանակ կառուցում են ամենամեծ թվով ռազմական նավեր։ Ռումինիայի հետ պայմանագրի ստորագրմամբ Թուրքիան իր պատմության մեջ առաջին անգամ ռազմական նավ է արտահանել ՆԱՏՕ-ի և Եվրամիության անդամ երկիր», — հայտարարել է Թուրքիայի նախագահ Ռեջեփ Թայիփ Էրդողանը։
Թուրքիայի նախագահը նշել է, որ վերջին տարիներին Թուրքիան աշխարհի տարբեր տարածաշրջանների համար կառուցել է ավելի քան 140 ծովային հարթակ և նավ։
