Հարավային Կորեայի նախագահ Լի Ջե-մյոնգը հայտարարել է, որ Եվրոպա կատարած իր ուղևորության ընթացքում խնդրել է Հռոմի պապ Լևոն XIV-ին այցելել Հյուսիսային Կորեա։ «Ես խնդրել եմ Հռոմի պապ Լևոն XIV-ին հնարավորինս շուտ այցելել Հյուսիսային Կորեա, այդ թվում՝ ապառազմականացված գոտի՝ հաջորդ տարի Կորեայի Հանրապետություն կատարելիք իր ուղևորության կապակցությամբ», - ճեպազրույցի ժամանակ ասել է Լի Ջե-մյոնգը։
«Երիտասարդության համաշխարհային օր» կաթոլիկական փառատոնը կանցկացվի Կորեայի Հանրապետությունում 2027 թվականին։ Հունիսի 14-ին կարդինալ Լազարուս Յու Հյունգ-սիկը նշել է, որ ԿԺԴՀ այցելության նախաձեռնությունը, ինչպես նաև հրավերը, պետք է լինեն Փհենյանից։ Հարավային Կորեայի նախագահը հունիսի 15-ին հանդիպել է Հռոմի պապի հետ Վատիկանում։
