Ամերիկյան «Ինտեր Մայամիի» հարձակվող, «Բարսելոնայի» նախկին ավագ Լիոնել Մեսսին սոցիալական ցանցերում շնորհավորել է կատալոնական ակումբին՝ Իսպանիայի 2025/2026թթ․ առաջնությունում հաղթելու կապակցությամբ։
«Չեմպիոննե՛ր: Կեցցե՛ «Բարսելոնան»»,- գրել է արգենտինացի ֆուտբոլիստն իր էջում:
«Ոսկե գնդակի» ութակի դափնեկիրը «Բարսելոնայի» կազմում խաղացել է 2003-ից 2021 թվականներին: Այդ ընթացքում նա բոլոր մրցաշարերում անցկացրել է 778 հանդիպում՝ դառնալով 672 գոլի և 303 արդյունավետ փոխանցման հեղինակ։ Կատալոնական ակումբի հետ արգենտինացին նվաճել է 35 տիտղոս, այդ թվում՝ 10 անգամ դառնալով Իսպանիայի չեմպիոն և 4 անգամ՝ Չեմպիոնների լիգայի գավաթակիր։
Մեսսիի հեռանալուց հետո թիմն Իսպանիայի չեմպիոն է հռչակվել արդեն երեք անգամ՝ 2022/2023, 2024/2025 և 2025/2026 մրցաշրջաններում։
