Արհեստական ինտելեկտի (AI) տեխնոլոգիայի կիրառմամբ ԱՄՆ-ում անցկացված հետազոտությունը ցույց է տվել, որ դեմոկրատ թեկնածու, ԱՄՆ փոխնախագահ Քամալա Հարիսը ընտրություններում հաղթելու մի փոքր ավելի մեծ շանսեր ունի, քան իր մրցակիցը՝ նախկին նախագահ Դոնալդ Թրամփը, գրում է Semafor պորտալը։
Ըստ Semafor-ի՝ ընկերությունն օգտագործում է մարդահամարի տվյալներ և ժողովրդագրական այլ ցուցիչներ արհեստական ինտելեկտով աշխատող հազարավոր ընտրողների ավատարներ (բոտեր) ստեղծելու համար, որոնցից յուրաքանչյուրն ունի անհատականության հարյուրավոր գծեր: Այնուհետև, բոտերը ուսումնասիրում են տեղեկատվություն և նորություններ, որոնք կարող էին կարդացած լինել իրական ընտրողները, որից հետո նրանց հարցնում են իրենց նախասիրությունների մասին:
Ընկերությունը վերստեղծել է ԱՄՆ առանցքային նահանգների ընտրազանգվածը, որտեղ քվեարկությունը կարող էր վճռորոշ լինել նախագահի թեկնածուների համար, և հրավիրել վիրտուալ «ընտրողներին» քվեարկելու: Բոտերը նորությունների հասանելիություն ունեին մինչև կիրակի օրվա կեսգիշերը, ուստի, նրանք գիտեին Փենսիլվանիայում Դոնալդ Թրամփի և Միչիգանում Քամալա Հարիսի հանրահավաքների մասին:
