ԱՄՆ նախագահ Դոնալդ Թրամփը հայտարարել է, որ ԱՄՆ-ը պատրաստ է ոչնչացնել Իրանի էլեկտրակայաններն ու նավթային ենթակառուցվածքները, եթե Թեհրանը հրաժարվի համաձայնության գալ դրանց հետ։
Նա նշել է, որ Միացյալ Նահանգները փորձում է համաձայնության գալ Իրանի նոր ղեկավարության հետ։
«Իրանի առաջնորդների նոր խումբը պակաս արմատական է և շատ ավելի զգուշավոր։ Այնուամենայնիվ, եթե համաձայնության չհասնենք այս ժամանակահատվածում, մենք կշարունակենք մեր ուշադրությունը կենտրոնացնել հիմնական թիրախների վրա։
Եթե համաձայնություն չլինի, մենք շատ ուժեղ կհարվածենք նրանց բոլոր էլեկտրակայաններին», - ասել է նա Սպիտակ տնից իր հայրենակիցներին ուղղված հեռուստատեսային ուղերձում։
«Մենք չենք հարվածել նրանց նավթային օբյեկտներին, չնայած դա բոլորից ամենահեշտ թիրախն է, քանի որ դա նրանց գոյատևման կամ վերականգնման ոչ մի հնարավորություն չէր թողնի։
Բայց մենք կարող էինք հարվածել, և ամեն ինչ կոչնչանար, և նրանք ոչինչ չէին կարողանա անել դրա հետ կապված», - ասել է Թրամփը։
