Հայաստանում առկա են հարկային տեռnրի հստակ դրսևորումներ, որի մասին ես շատ հստակ բազմիցս ասել եմ և դրանք գնալով ավելանում են։ Այս մասին այսօր՝ նոյեմբերի 4-ին, ԱԺ-ում 2025 թվականի պետական բյուջեի քննարկման ժամանակ ասաց ՊԵԿ նախագահ Ռուստամ Բադասյանը։
«Կառավարությունը հարկային բեռը տեղափոխում է փոքր և միջին բիզնեսի ուսերին՝ բյուջեի եկամուտների տողում ավելի շատ հարկային եկամուտներ գրելով, քան հնարավոր է հավաքագրել։ Հարկային տեռորի դրսևորումները փոքր և միջին բիզնեսին են ուղղված, իսկ իշխանության «սրտի օլիգարխները» արտոնություններ են ստանում պարբերաբար: Հարկային տեռորը պոզով պոչո՞վ է լինում»,- նշեց Ավետիսյանը։Պատգամավորին հակադարձելով ՊԵԿ նախագահը նշեց, թե Հայաստանում հարկային «տեռոր» չկա, իսկ վարչարարությունը միտված է հարկ վճարողների համար բարենպաստ պայմաններ ապահովելուն․
«Մեր վարչարարությունը միտված է լավ պայմաններ ապահովել հարկ վճարողների համար։ Մենք շատ գործընկերային ենք աշխատում Հայաստանի բոլոր հարկ վճարողների հետ։ Հազարավոր հարկ վճարողների համար մաքսային ընթացակարգերը պարզեցվել են։ Հայտարարագրման գործընթացն արագացվել է, ինչը զգալիորեն նվազեցնում է մաքսազերծման ժամանակը։
Եթե նախկինում տնտեսվարողները ստիպված էին մի քանի օր հատկացնել այս գործընթացին, ապա այժմ գործընթացը տևում է ընդամենը 15 րոպեից մինչև մի քանի ժամ»,- ասաց Բադասյանը։
