Նոյեմբերի 5-ին կայանալիք ընտրություններից առաջ վաղաժամկետ քվեարկությունից օգտվել է ավելի քան 78 միլիոն ԱՄՆ քաղաքացի։ Այս մասին են վկայում կիրակի երեկոյան հրապարակված տվյալները Ֆլորիդայի պետական համալսարանից։
Ըստ այդ տվյալների՝ ավելի քան 42,6 մլն մարդ անձամբ է այցելել ընտրատեղամասեր, մոտ 35,3 մլն-ը քվեարկել է փոստով։
ԱՄՆ-ում գրանցված ընտրողների ընդհանուր թիվը մոտավորապես 168 միլիոն է: Առավել մեծ ակտիվություն է գրանցվել Տեխասում (8,9 միլիոն ձայն), Ֆլորիդայում (8,1 միլիոն), Կալիֆոռնիայում (7,6 միլիոն), Հյուսիսային Կարոլինայում (4,4 միլիոն): միլիոն):
ԱՄՆ-ում հաջորդ համընդհանուր ընտրությունները տեղի կունենան նոյեմբերի 5-ին։ Հանրապետական Դոնալդ Թրամփը և դեմոկրատ Քամալա Հարիսը կպայքարեն պետության ղեկավարի պաշտոնի համար։ Թրամփը եղել է Ամերիկայի 45-րդ նախագահը (2017-2021 թթ.): Նա պարտվեց 2020 թվականի ընտրություններում դեմոկրատ Ջո Բայդենին և այժմ փորձում է վերադառնալ Սպիտակ տուն: Հարիսը փոխնախագահի պաշտոնը զբաղեցնում է 2021 թվականի հունվարից։
