Հնդկական տիեզերական հետազոտությունների կազմակերպության (ISRO) նախագահ Սրիդհարա Սոմանաթը հայտարարել է մոտ 2028-ին Լուսնի մակերևույթից հողի նմուշներ Երկիր բերելու պլանների մասին:
Այս մասին տեղեկացնում է 3dnews.ru-ն:
Այս առաքելությունը կպահանջի երկու արձակում, քանի որ Հնդկաստանը չունի բավական հզոր հրթիռներ, որոնց վրա հնարավոր կլինի տեղավորել բոլոր անհրաժեշտ սարքերը,-նշել է նա:
Եթե ամեն ինչ հաջողվի, ապա Հնդկաստանը կդառնա չորրորդ երկիրը ԽՍՀՄ-ից, ԱՄՆ-ից և Չինաստանից հետո, որը Լուսնից հողի նմուշներ կբերի Երկիր։ Նշենք, որ ծրագրի համար հատկացվել է ընդամենը 21 միլիարդ ռուփի (մոտ 250 միլիոն դոլար):
Chandrayaan-3 առաքելության շրջանակում Լուսին ռովեր ուղարկելը երկրի բյուջեին արժեցել է 74 միլիոն դոլար:Chandrayaan-4 առաքելությունը կպահանջի երկու առանձին արձակում: Հրթիռներից մեկը կտեղափոխի անցումային մոդուլը և պարկուճը, որը Երկիր կհասցնի Լուսնից վերցված նմուշները, իսկ մյուսը՝ վայրէջքի և վերադարձի մոդուլը, որը նմուշներ հավաքելուց հետո կուղևվորվի լուսնային ուղեծիր և կկցվի անցումային մոդուլին: Ուղեծրում նմուշները կտեղադրվեն վայրէջքի պարկուճում, այնուհետև կուղևորվեն դեպի Երկիր։Հնդկաստանը դեռ պետք է փորձարկի Երկրի ուղեծրում մոդուլների կցման տեխնոլոգիան, որը սպասվում է կամ մինչև այս տարվա վերջը կամ 2025-ին: Ճապոնական JAXA գործակալությունը ստեղծում է լուսնագնաց, իսկ հնդկական ISRO-ն ապահովում է դրա առաքումը Լուսին։
