Իրանական կողմը ձգտում է որքան հնարավոր է շուտ հասնել Թեհրանի միջուկային խնդրի շուրջ գործարքի, ժամանակը Իրանի համար վճռորոշ դեր ունի, հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային իրանյան ամենշաբաթյա մամուլի ասուլիսի ընթացքում:
«Որքան շուտ կնքվի գործարքը (ԱՄՆ-ի հետ ), այնքան լավ: Մենք սկսել ենք այս բանակցությունները՝ արդյունքի հասնելու նպատակով: Ժամանակը մեզ համար վճռորոշ նշանակություն ունի:
Ես արդեն բազմիցս ասել եմ, որ պատժամիջոցների հնարավորինս շուտ հանումը (միջուկային համաձայնագրի արդյունքում) Իրանի համար հաղթանակ է», – ասել է Բաղային, իր խոսքերը մեջբերում է իրանյան SNN հեռուստաալիքը:
