Հայաստանի ազգային հավաքականի և «Կրասնոդարի» ավագ Էդուարդ Սպերցյանը կրկին հայտնվել է անգլիական «Լիդս Յունայթեդի» դիտակետում։
Ըստ TEAMtalk-ի՝ 25-ամյա ֆուտբոլիստի խաղային որակները լիովին համապատասխանում են ակումբի զարգացման ռազմավարությանը։
Անգլիական ակումբում տեղյակ են այն խոչընդոտներին, որոնք կարող են ծագել ռուսական թիմի հետ բանակցությունների ընթացքում։ Այդուհանդերձ, գործարքի իրականացման հարցում վճռորոշ ազդեցություն կարող է ունենալ Red Bull ընկերությունը, որը հանդիսանում է ակումբի բաժնետոմսերի փոքր փաթեթի համասեփականատերը։
Նախատեսվում է կիրառել բազմաքայլ տրանսֆերային սխեմա. Red Bull-ը կարող է օգտագործել իր կայսրության մեջ մտնող մեկ այլ ակումբ՝ Սպերցյանի տրանսֆերը «Կրասնոդարից» սկզբնապես գնելու համար։ Այնուհետև, երբ իրավական բոլոր հարցերը կարգավորվեն, կիսապաշտպանը կտեղափոխվի «Լիդս Յունայթեդ»։
Որպես նմանատիպ մոդելի արդյունավետության օրինակ՝ TEAMtalk-ը նշում է հարձակվող Ջոն Ջոնի տեղափոխությունը «Ռեդ Բուլ Բրագանտինոյից» Սանկտ Պետերբուրգի «Զենիթ»։
