Ֆրանսիայի իրավապահ մարմինները սոցիալական X հարթակի սեփականատեր Իլոն Մասկին և հարթակի նախկին գլխավոր տնօրեն Լինդա Յաքարինոյին հրավիրել են ցուցմունք տալու՝ հանրապետությունում X-ի գրասենյակներում իրականացված խուզարկությունների ֆոնին, երեքշաբթի հայտնել է Փարիզի դատախազությունը։
«Իլոն Մասկին և Լինդա Յաքարինոյին՝ որպես X հարթակի փաստացի և օրինական ղեկավարներ, ուղարկվել են հրավերներ կամավոր հարցաքննության, որոնք կկայանան 2026 թվականի ապրիլի 20-ին Փարիզում», — նշվում է դատախազության հաղորդագրությունում։
Ավելի վաղ հայտնել էինք, որ Փարիզի դատախազության կիբերհանցագործությունների դեմ պայքարի բաժինը երեքշաբթի օրը խուզարկություններ է իրականացնում Ֆրանսիայում գործող X սոցիալական ցանցի գրասենյակներում, հայտնում է Ֆրանսիայի մայրաքաղաքի դատախազությունը։
