Թուրքիայի հանրային կապերի վարչության հայտարարություն համաձայն՝ Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մեսուդ Փեզեշքյանի հետ: Օրակարգում են եղել Թուրքիա-Իրան երկկողմ հարաբերությունները և տարածաշրջանում հետզհետե սրացող ռազմական լարվածությունը:
Հայտարարության համաձայն՝ Էրդողանը հայտնել է Թուրքիայի պատրաստակամությունն առ այն, որ Իրանի և ԱՄՆ-ի միջև առկա լարվածությունը մեղմացնող դեր ստանձնի և նպաստի խնդրի լուծմանը:Նշվել է նաև, որ Էրդողանը կընդունի Թուրքիայում գտնվող Իրանի արտգործնախարար Աբաս Արախչիին:
Հիշեցնենք, որավելի վաղ բրիտանական «The Guardian» թերթը գրել էր, որ Իրան-ԱՄՆ լարվածության ֆոնին Էրդողանն առաջարկել է տեսա-կոնֆերանս կազմակերպել ԱՄՆ նախագահ Դոնալդ Թրամփի և Իրանի նախագահ Մեսուդ Փեզեշքյանի միջև:
