2025 թվականին Գերմանիայի բնակչությունը կազմել է 83,5 միլիոն մարդ, որը մոտավորապես 100 հազարով պակաս է նախորդ տարուց։ Բնակչության նվազումը արձանագրվել է առաջին անգամ 2020 թվականի համաճարակային տարուց հետո, հայտնում է Գերմանիայի Ֆեդերալ վիճակագրական վարչությունը՝ հղում անելով նախնական հաշվարկներին։
Նախորդ տարի երկրում ծնվել է 640-660 հազար երեխա, ինչը պակաս է նախորդ տարվա 667 հազարի համեմատ։ Նույն ժամանակահատվածում մահացել է մոտ 1 միլիոն բնակիչ։ Ուստի, բնական բնակչության նվազումը կազմել է 340-360 հազար մարդ։
Նույնիսկ երկրի ներգաղթը դանդաղել է։ 2025 թվականին արտերկրից բնակչության մաքուր ներհոսքը կազմել է 220-260 հազար մարդ։ Այս ցուցանիշը նվազագույնն է 2020 թվականից, երբ համաճարակի պատճառով նվազել էր բնակչության շարժունակությունը։
Ներմաղթից բնակչության աճը նախորդ տարվա համեմատ 40% պակաս է կազմել (նախորդ տարի՝ 430 հազար մարդ)։
Վարչությունը բնակչության թվի դինամիկայի վերջնական տվյալները կհրապարակի ընթացիկ տարվա ամռանը։
