Սլովակիայի վարչապետ Ռոբերտ Ֆիցոն հայտարարել է, որ Եվրոպական միության կողմից Ռուսաստանի գազից հրաժարվելը էներգետիկ ինքնասպանություն է։
Երկուշաբթի հրապարակված ԵՄ խորհրդի հայտարարությունից հետևում է, որ տրվել է վերջնական հավանություն՝ 2027 թվականի հունվարի 1-ից արգելել ռուսական հեղուկացված բնական գազի (LNG) ներմուծումը, իսկ 2027 թվականի սեպտեմբերի 30-ից՝ ռուսական խողովակաշարային գազի ներմուծումը։
«Դուք գիտեք իմ կարծիքը․ սա Եվրոպական միության էներգետիկ ինքնասպանության ավարտն է։ Այս հիմար գաղափարական որոշման համար մենք բոլորս ենք վճարելու։ Դուք գիտեք, որ առաջին քայլը, որը մեզ զգալի վնաս հասցրեց, ռուսական գազի տարանցման դադարեցումն էր Սլովակիայի տարածքով։
Այդ որոշումը կայացրել է Ուկրաինայի նախագահը, և այն մեզ արժենում է տարեկան մինչև 500 միլիոն եվրո։ Դրանք կորուստներ են գազի տարանցման վճարներից, որը մենք մեր խողովակաշարերով տեղափոխում էինք դեպի Եվրոպա», — ասել է Ֆիցոն մամուլի ասուլիսի ընթացքում, որը երեքշաբթի հեռարձակել է սլովակական TA3 հեռուստաալիքը։
