Լիբանանի ԱԳՆ-ը բողոքագիր է ուղարկել ՄԱԿ-ի Անվտանգության խորհուրդ և պահանջել ձեռնարկել քայլեր՝ Իսրայելին ստիպելու դադարեցնել հարձակումները երկրի տարածքի նկատմամբ։
«ՄԱԿ-ի Անվտանգության խորհուրդը պետք է պարտադրի Իսրայելին դադարեցնել ռազմական գործողությունները, որոնք հանդիսանում են Լիբանանի ինքնիշխանության խախտում»,– նշվում է X սոցիալական հարթակում հրապարակված հայտարարության մեջ։
«Կոչ ենք անում միջազգային հանրությանը հասնել նրան, որ Իսրայելը դուրս բերի իր զորքերը երկրի հարավում գտնվող հինգ կետերից, որոնք դեռևս գտնվում են նրա օկուպացիայի տակ»։
Նամակը ՄԱԿ-ի ԱԽ-ին ուղարկվել է այն բանից հետո, երբ հունվարի 25-ին Իսրայելի ռազմաօդային ուժերը առնվազն 20 հարված են հասցրել Լիբանանի հարավային և արևելյան շրջաններին, ինչի հետևանքով զոհվել է երկու մարդ, ևս վեցը ստացել են վիրավորումներ։
Նամակում լիբանանյան դիվանագիտական գերատեսչությունը նաև հայտնել է Իսրայելի հետ բանակցությունների պատրաստակամության մասին՝ «օկուպացիան և հարձակումները դադարեցնելու նպատակով»։
