Իսպանիայի առաջնության 12-րդ տուրի «Վալենսիա»-«Ռեալ Մադրիդ» հանդիպումը հետաձգվել է։ Այս մասին հայտնում է «չղջիկների» պաշտոնական կայքը։
«Վալենսիա»-«Ռեալ Մադրիդ» հանդիպումը հետաձգվել է տարածաշրջանում մեծ մասշտաբների հասնող ջրհեղեղի պատճառով։ Հաղորդվում է ավելի քան 90 զոհի մասին: Իսպանիայում հայտարարվել է եռօրյա սուգ։
«Այս դժվար պահին մենք ցանկանում ենք մեր խորին ցավակցությունն ու զորակցությունը հայտնել զոհվածների ընտանիքներին և ընկերներին, ինչպես նաև բոլորին, ովքեր տուժել են այս աղետից, որը դուրս է մղել ֆուտբոլը»,- ասվում է «Վալենսիայի» կայքում։
Ներկա պահին «Վալենսիան» Լա լիգայի մրցաշարային աղյուսակի վերջին տեղում է՝ 7 միավորով, իսկ «Ռեալը» երկրորդն է՝ 24 միավորով:
