ԱՄՆ-ը ապահովում է Գրենլանդիայի անվտանգությունը, ուստի, պետք է իրավունք ունենա կղզու բնական ռեսուրսների նկատմամբ։ Այդ մասին հայտարարել է ԱՄՆ փոխնախագահ Ջեյ Դի Վենսը Newsmax հեռուստաալիքին տված հարցազրույցում։
«Առաջին հերթին, մենք ցանկանում ենք բաժին ունենալ այս հանքանյութերով և բազմաթիվ ռեսուրսներով հարուստ տարածքի հարստությունից, որը մենք պաշտպանում ենք», — ասել է նա։
Վենսի խոսքով՝ Գրենլանդիայի անվտանգությունը ապահովում է ոչ թե Դանիան, այլ «ԱՄՆ-ի հզորությունը»։
«Սա կարևոր է ազգային անվտանգության տեսանկյունից։ Տվեք ձեզ հարց՝ ինչ կլինի, եթե մեկ այլ երկիր ԱՄՆ-ի ուղղությամբ արձակի միջմայրցամաքային բալիստիկ հրթիռ։ Առանց Արկտիկայի նկատմամբ վերահսկողության մեր հակահրթիռային պաշտպանության ամբողջ համակարգը կդառնա ապակայունացված», — նշել է նա։
Վենսը հավելել է, որ ԱՄՆ նախագահ Դոնալդ Թրամփը «աշխատում է Գրենլանդիայի վերաբերյալ գործարքի մանրամասների վրա»։
