Ճապոնիան կուսումնասիրի ԱՄՆ նախկին նախագահ Դոնալդ Թրամփի կողմից հիմնադրված «Խաղաղության խորհրդին» միանալու հնարավորությունը։ Այդ մասին Kyodo գործակալությանը հայտնել է Ճապոնիայի արտաքին գործերի նախարարության բարձրաստիճան ներկայացուցիչը։
ԱԳՆ ներկայացուցիչը նշել է, որ Ճապոնիան չի մասնակցել «Խաղաղության խորհրդի» հիմնադրման արարողությանը՝ ընդգծելով, որ որոշում է ընդունվել ուսումնասիրել հետագա քայլերի տարբերակները տվյալ հարցի շուրջ, ներառյալ Տոկիոյի հնարավոր մասնակցությունը կամ չմասնակցությունը խորհրդին։
«Խաղաղության խորհրդի» հիմնադրման արարողությունը տեղի է ունեցել հունվարի 22-ին՝ Դավոսում անցկացվող Համաշխարհային տնտեսական ֆորումի շրջանակում՝ Դոնալդ Թրամփի մասնակցությամբ։ Փաստաթուղթը ստորագրել են նաև Ադրբեջանի, Արգենտինայի, Հայաստանի, Բահրեյնի, Բուլղարիայի, Հունգարիայի, Ինդոնեզիայի, Հորդանանի, Ղազախստանի, Քաթարի, Մարոկկոյի, Մոնղոլիայի, Արաբական Միացյալ Էմիրությունների, Պակիստանի, Պարագվայի, Սաուդյան Արաբիայի, Թուրքիայի, Ուզբեկստանի և ինքնահռչակ Կոսովոյի առաջնորդներն ու ներկայացուցիչները։
