Եվրոպական ՆԱՏՕ-ի անդամ երկրները պետք է կարողանան ինքնուրույն ապահովել իրենց անվտանգությունը նույնիսկ ԱՄՆ-ի հետ հնարավոր տարաձայնությունների դեպքում։ Այդ մասին հայտարարել է Չեխիայի նախագահ Պետր Պավելը։
«Եթե որևէ պատճառով ԱՄՆ-ը չկարողանա մասնակցել Եվրոպայի պաշտպանության գործին կամ դրանում շահագրգռված չլինի, մենք պետք է ունենանք անվտանգության ապահովման հարյուր տոկոսանոց հնարավորություն ինքնուրույն», — նրա խոսքերը մեջբերում է TK գործակալությունը։
Չեխիայի նախագահի կարծիքով՝ Եվրոպական միությունն ունի բավարար տնտեսական և ռազմական ռեսուրսներ ինքնուրույն պաշտպանության համար։ Պավելը հավելել է, որ ՆԱՏՕ-ն շահագրգռված կլինի իր եվրոպական թևի ամրապնդմամբ՝ անվտանգության ոլորտում ԱՄՆ-ից անկախության հասնելու նպատակով, նույնիսկ եթե Գրենլանդիայի շուրջ իրավիճակը չսրի դաշինքի ներսում հարաբերությունները։
