Գրենլանդիայի վերաբերյալ ԱՄՆ-ի գործարքը կարող է ենթադրել Վաշինգտոնի վերահսկողությունը կղզու փոքր տարածքների նկատմամբ, հաղորդում է The New York Times-ը (NYT)՝ հղում անելով աղբյուրներին։
Նրանց տեղեկությունների համաձայն՝ ԱՄՆ նախագահ Դոնալդ Թրամփի կողմից հունվարի 21-ին ապագա համաձայնագրի ուրվագծերի առկայության մասին արված հայտարարության նախօրեին ՆԱՏՕ-ի երկրների ռազմական պաշտոնյաները քննարկել են «փոխզիջման» գնալու հնարավորությունը, որով Դանիան Միացյալ Նահանգներին կտրամադրի ինքնիշխանություն Գրենլանդիայի փոքր տարածքների նկատմամբ, որտեղ ԱՄՆ-ն կարող է ռազմական բազաներ կառուցել»։ ՆԱՏՕ-ի գլխավոր քարտուղար Մարկ Ռյուտեն հանդես է եկել այս տեսակի համաձայնագրի օգտին, հրատարակությանը հայտնել են երեք անանուն պաշտոնյաներ։
Թերթի աղբյուրները սա համեմատել են Կիպրոսում գտնվող բրիտանական բազաների հետ, որոնք համարվում են բրիտանական արտասահմանյան տարածք։
Սակայն, NYT-ը նշում է, որ անհայտ է, թե արդյոք այս գաղափարը դարձել է Թրամփի կողմից հայտարարված հայեցակարգի մաս։
