Բելառուսի նախագահ Ալեքսանդր Լուկաշենկոն կեղծ է որակել այն տեղեկությունը, որ Գազայի հատվածի հետ կապված «Խաղաղության խորհրդին» միանալու համար անհրաժեշտ է 1 միլիարդ դոլարի ներդրում կատարել, հաղորդում է BelTA-ն։
Պետության ղեկավարը մեկնաբանել է տեղեկությունըՄինսկում լրագրողների հետ հանդիպման ժամանակ։ Լրատվամիջոցների ներկայացուցիչները նրան հարցրել են Խաղաղության խորհրդին միանալու իրական պայմանների մասին և հետաքրքրվել, թե արդյոք 1 միլիարդ դոլարի ներդրման մասին լուրերը ճիշտ են։
«Այդ հիվանդ մարդիկ (նրանք, ովքեր խոսում և գրում են 1 միլիարդ դոլարի ներդրման մասին — խմբ․) կրկին սխալվել են։ Պարզապես պետք է կարդալ փաստաթուղթը։ Փող պետք չէ», - ասել է Լուկաշենկոն։
