Չեխիայի վարչապետ Անդրեյ Բաբիշը երկուշաբթի օրը մամուլի ասուլիսում հայտարարել է, որ Չեխիայի Հանրապետությունը չի վաճառի իր տեղական արտադրության L-159 ինքնաթիռները Ուկրաինային, քանի որ չեխական բանակը դրանց կարիքն ունի։
«Մենք պաշտպանության նախարար Յարոմիր Զունային հրավիրեցինք այսօր (երկուշաբթի՝ խմբ.) իշխող կոալիցիայի առաջնորդների հանդիպմանը»:
«Նա մեզ ասաց, որ բանակին այս ինքնաթիռներն անհրաժեշտ են, քանի որ դրանց ծառայության ժամկետն ավարտվում է միայն 2040 թվականին։ Անգարներում պարապ նստած ինքնաթիռներ չկան. դրանք բոլորը շահագործման մեջ են։ Այնպես որ, մեզ դրանք անհրաժեշտ են», - ասել է վարչապետը՝ հավելելով, որ Պաշտպանության նախարարության նախորդ ղեկավարությունը նմանատիպ որոշում էր կայացրել 2023 թվականին։
Կիրակի օրը Չեխիայի նախագահ Պետր Պավելը մամուլի ասուլիսում հայտարարեց, որ անցյալ շաբաթ Կիևում իր բանակցությունների ժամանակ ուկրաինական կողմը L-159 ինքնաթիռը գնահատել է որպես չափազանց հարմար արագընթաց և մեծ անօդաչու թռչող սարքերի դեմ պայքարելու համար։
Պավելի խոսքով՝ այս ինքնաթիռները բանակցությունների առարկա են եղել առնվազն վեց ամիս։ Խոսակցություններ են եղել դրանք Ուկրաինային վարձակալության տալու, ապա նվիրաբերելու մասին։
