ԱՄՆ նախագահ Դոնալդ Թրամփը հայտարարել է, որ Միացյալ Նահանգները բանակցություններ է վարում ՆԱՏՕ-ի հետ Գրենլանդիայի շուրջ, հաղորդում է Reuters-ը։
«Մենք բանակցություններ ենք վարում ՆԱՏՕ-ի հետ», - ասել է նա՝ պատասխանելով Գրենլանդիայի մասին հարցին։
Գրենլանդիան Դանիայի թագավորության մաս է կազմում, սակայն 2009 թվականին այն ստացել է ինքնավարություն՝ ինքնակառավարման հնարավորությամբ։ Սակայն Թրամփը բազմիցս հայտարարել է, որ կղզին պետք է դառնա Միացյալ Նահանգների մաս։
Հունվարի 5-ին Թրամփը հայտարարել էր Գրենլանդիայի տարածքի նկատմամբ վերահսկողություն սահմանելու ծրագրերի մասին՝ իր երկրի ազգային անվտանգությունն ապահովելու համար։
