Գյումրիում եղածը մեզ համար ևս անակնկալ է եղել, բայց մենք հենց դրա համար ենք շատ մեծ ուշադրություն դարձնում տարածքային կառույցներին։
Այս մասին լրագրողների հետ զրույցում ասաց ՀՀ էկոնոմիկայի նախարար Գևորգ Պապոյանը՝ անդրադառնալով Գյումրիում իշխող «Բալասանյան դաշինքի» անդամների մանդատները վայր դնելուն։«Մենք տարածքային կառույց ունենք, թիմ ունենք, պատրաստ ենք ընտրություններին։
Մենք տարածքային կառույցներ ենք ստեղծում, քանի որ այդ տարածքային կառույցի ցուցակը հենց տվյալ տարածքում մեր նախընտրական ցուցակը պետք է լինի կամ գոնե մեր ցուցակի մեծ մասը։
Հետևաբար, սա որպես պրոցես մեզ համար անակնկալ էր, բայց Գյումրին ՀՀ երկրորդ քաղաքն է ու պրոցեսները որ ուղղությամբ էլ գնան՝ մենք պատրաստ ենք»։
Աղբյուր` Փաստինֆո
