ԱՄՆ նախագահի դեսպանորդ Սթիվեն Ուիթքոֆը և ԱՄՆ նախագահի փեսան՝ Ջարեդ Քուշները, որոնք դեկտեմբերին այցելել էին Մոսկվա, պլանավորում են շուտով վերադառնալ Ռուսաստանի մայրաքաղաք և հանդիպել Ռուսաստանի նախագահ Վլադիմիր Պուտինի հետ, հաղորդում է Bloomberg-ը՝ հղում անելով իր աղբյուրներին։
Նրանք պնդում են, որ հանդիպումը կարող է տեղի ունենալ հունվարին, սակայն նշում են, որ ծրագրերը դեռևս վերջնականապես չեն որոշվել, և ժամկետները կարող են տեղափոխվել Իրանում տեղի ունեցող իրադարձությունների պատճառով։
Գործակալության աղբյուրների փոխանցմամբ՝ Ուիթքոֆը և Քուշները կներկայացնեն ուկրաինական հակամարտության կարգավորման վերջին նախագծերը, այդ թվում՝ անվտանգության երաշխիքները, որոնք ԱՄՆ-ը և Եվրոպան մտադիր են տրամադրել Կիևին։
