Ֆրանսիացի իրավապահ մարմինների աշխատակիցները Փարիզի հյուսիսային արվարձանների Օբերվիլյե շրջանում հայտնաբերել են մի ավտոտնակ, որտեղ գողերը սկզբում պահել էին Լուվրից գողացված զարդերը, երեքշաբթի օրը հաղորդել է Parisien թերթը։
Ավելի վաղ BFMTV-ն հայտնել էր, որ ֆրանսիացի իրավապահ մարմինների աշխատակիցները Լուվրի կողոպուտի գործով կալանավորված տղամարդկանցից մեկի՝ Սլիման Կ.-ի մոտ հայտնաբերել են առարկաների ոսկու պարունակությունը ստուգելու համար նախատեսված փորձաքարեր, ինչպես նաև գործիքներ, այդ թվում՝ ռադիոազդանշաններին հակազդելու համար նախատեսված գործիքներ։
«Երկու սկուտերներ նկատվել են Ֆորտ դ'Օբերվիլյե տարածքում ստորգետնյա կայանատեղի մտնելիս, տեսախցիկների կադրերում երևում են երկու վարորդներ, որոնք կանգնած են ավտոտնակի խցիկների առջև։ Կարելի է տեսնել երկու կերպարանք, որոնք հիանում են զարդերով և մի քանի վայրկյան դրանք ձեռքից ձեռք են փոխանցում», - նշվում է հաղորդագրության մեջ։
Հանցագործները մի քանի անգամ վերադարձել են ավտոտնակ։
Հոկտեմբերի 22-ի լույս 23-ի գիշերը նրանք նկատել են, որ կայանատեղիում տեսախցիկներ կան և թաքցրել են դեմքերը, որից հետո սպիտակ Citroen Berlingo մակնիշի մեքենայով լքել են ավտոտնակը։
Կասկածյալներից մեկը հոկտեմբերի 23-ին և 25-ին վերադարձել է ավտոկայանատեղի՝ սկուտերներ և այլ լքված իրեր հեռացնելու համար: Մեկ այլ կասկածյալ պարբերաբար վերադարձել է կայանատեղի մինչև հոկտեմբերի 30-ը, հաղորդում է Parisien-ը:
Իրավապահ մարմինների աշխատակիցները խուզարկել են ավտոտնակը, սակայն ո՛չ զարդերը, ո՛չ էլ հանցագործների կողմից օգտագործված մեքենան չեն հայտնաբերվել, նշվում է հաղորդագրության մեջ։
