ԱՄՆ ափային պահպանությունը 2025 թվականին առգրավել է գրեթե 231.8 տոննա թմրանյութ՝ 3.8 միլիարդ դոլար արժողությամբ, ինչը իր պատմության մեջ ամենաբարձր քանակն է։
«2025 թվականին Արևելյան Խաղաղ օվկիանոսում և Կարիբյան ավազանում գործող Ափային պահպանության ուժերը իրենց պատմության մեջ թմրանյութերի տարեկան արգելման ամենաբարձր ցուցանիշն են գրանցել։
Առգրավվել է ավելի քան 511,000 ֆունտ (մոտ 231,8 տոննա) թմրանյութ, որի արժեքը գերազանցում է 3,8 միլիարդ դոլարը, ինչը վնաս է հասցրել միջազգային հանցավոր խմբավորումներին», - ասվում է ԱՄՆ զինված ուժերի առանձին ստորաբաժանում հանդիսացող Ափային պահպանության կողմից հրապարակված զեկույցում։
Փաստաթղթում նշվում է, որ դրա ներկայացուցիչները կանխել են թմրանյութերի 193 միլիոն «հնարավոր է՝ մահացու դեղաչափերի» մուտքը Միացյալ Նահանգներ, այդպիսով «խնայելով ամերիկացի հարկատուներին ավելի քան 10 միլիարդ դոլար»։
Այնտեղ նշվում է, որ ԱՄՆ ափային պահպանությունը նախորդ տարվա ընթացքում ձերբակալել է նաև ավելի քան 11,000 անօրինական միգրանտների: Այն պարզաբանում է, որ ծովային անօրինական միգրացիայի հոսքը զսպելու համար օգտագործվել են մոտորանավակներ, նավեր, ինքնաթիռներ և անօդաչու թռչող սարքեր:
