Երեկ Գորիսի համայնքապետ Առուշ Առուշանյանը հայտնել է, որ իր պաշտոնանկությունը պահանջող իշխանության հետ սուբվենցիոն ծրագրերով համագործակցությունը բարդ չի համարում ՝ հատկապես իր անվան շուրջ վերջին զարգացումների ֆոնին։
«Կառավարության և պետական օղակների հետ համագործակցությունը միշտ նորմալ է եղել, անգամ սկզբի շրջանում է, երբ ես կալանավայրում էի»,-ասել է Առուշանյանը՝ պատասխանելով լրագրողի հարցին, իսկ թե որ փուլում է ի վերջո Գորիսի համայնքապետի կալանավայր վերադառնալ-չվերադառնալու հարցը, հայտնել է, որ Քրգործը Վերաքննիչ դատարանում է «շուտով պարզ կլինի,դատվում եմ թե չեմ դատվում, դատարանը կորոշի»։
Արդյո՞ք չկա նպատակաուղղված քայլ, որ իշխանությունը փորձում է թարմացվող քրգործով ստիպել ընդդիմադիր հայացքներ ունեցող համայնքապետերին գնալ իր հետ համագործակցության կամ գոնե հրաժարվել քաղաքական որդեգրած հայացքներից, լրագրողի այս հարցին Առուշանյանը խուսափել է պատասխանել՝ ասելով, որ իրեն փրկելու հարցում միայն Աստծուն է հավատում, ոչ մի մահկանացուի վրա հույս չի դնում։
