Իսրայելը և Միացյալ Նահանգները Իրան են ուղարկել «Իսլամական պետության» զինյալներ, որոնք զանգվածային անկարգությունների ժամանակ սպանել են իրավապահ մարմինների աշխատակիցների և քաղաքացիական անձանց։
Այս մասին հայտարարել է Իսլամական Հանրապետության զինված ուժերի գլխավոր շտաբի պետ, գեներալ-լեյտենանտ Աբդոլրահիմ Մուսավին։
«ԱՄՆ-ը և սիոնիստական ռեժիմը (նկատի ունի Իսրայելը), 12-օրյա սրբազան պաշտպանական պատերազմում իրենց պարտությունը փոխհատուցելու համար, մեր մեծ ժողովրդի վրա բաց թողեցին ԴԱԻՇ ահաբեկիչներին, և այս վարձկանները, որոնք վայրի կենդանիներից էլ վատն են, սպանել են խաղաղ բնակիչներին և անվտանգության աշխատակիցներին», - նրա խոսքերն է մեջբերել Իրանի պետական հեռարձակողը։
