Թրամփի վարչակազմը ներկայումս մտադրություն չունի խոչընդոտել Մեքսիկայից Կուբա նավթի մատակարարումները, հաղորդում է CBS-ը՝ հղում անելով ԱՄՆ պաշտոնյաներին։Ինչպես նշում է հրատարակությունը, Վաշինգտոնի վարչակազմի ներկայիս քաղաքականությունն այն է, որ «թույլատրվի Մեքսիկային շարունակել նավթ մատակարարել» կուբայական կողմին։
Հեռուստաալիքի տվյալներով՝ Մեքսիկան դարձել է Կուբայի նավթի հիմնական մատակարարը՝ ԱՄՆ իշխանությունների կողմից Վենեսուելայի նախագահ Նիկոլաս Մադուրոյի առևանգումից հետո։
Հեռուստաալիքի աղբյուրներից մեկը նշել է, որ «ԱՄՆ-ը չի փորձում հրահրել Կուբայի կառավարության փլուզումը, այլ ցանկանում է բանակցություններ վարել Հավանայի հետ»՝ ներկայիս քաղաքական համակարգից նրա հեռանալու վերաբերյալ։Հունվարի 11-ին Թրամփը հայտարարեց, որ Կուբան այլևս նավթ և գումար չի ստանա Վենեսուելայից։
