Կուբայի արտաքին գործերի նախարար Բրունո Ռոդրիգես Պարիլյան պահանջել է, որ Միացյալ Նահանգները անհապաղ ազատ արձակեն Վենեսուելայի օրինական նախագահ Նիկոլաս Մադուրոյին և նրա կնոջը՝ Սիլիա Ֆլորեսին, և կոչ է արել միջազգային հանրությանը միանալ այս պահանջին։
«Վենեսուելայի օրինական նախագահ Նիկոլաս Մադուրո Մորոսի և նրա կնոջ՝ Սիլիա Ֆլորեսի դաժան առևանգումից անցել է ութ օր։ Մենք պահանջում ենք, որ ԱՄՆ կառավարությունը դադարեցնի այս անօրինական կալանքը, հարգի նրանց անձեռնմխելիությունը, դադարեցնի դատական և լրատվական ֆարսը և ապահովի նրանց կյանքն ու բարեկեցությունը», -գրել է Կուբայի արտգործնախարարը X-ում։
Ռոդրիգես Պարիլյան նաև ընդգծել է, որ Հավանան կոչ է անում աշխարհի պետություններին աջակցել այս պահանջին՝ «միջազգային իրավունքի, ինչպես նաև նախագահ Մադուրոյի և նրա կնոջ կյանքի, արդարադատության և իրավունքների պահպանման անունից»։
