Չինական մի քանի պետական ընկերություններ իրենց ճապոնացի գործընկերներին տեղեկացրել են, որ այլևս չեն կնքի նոր պայմանագրեր հազվագյուտ հողային տարրերի մատակարարման համար: Քննարկվում է նաև գործող նման պայմանագրերը դադարեցնելու հնարավորությունը, հաղորդում է «Կիոդո» լրատվական գործակալությունը՝ հղում անելով Պեկինի և Շանհայի աղբյուրներին:
Չինաստանը հունվարի 6-ին էմբարգո է սահմանել Ճապոնիա կրկնակի նշանակության ապրանքների արտահանման վրա՝ «ռազմական նպատակներով և ցանկացած այլ նպատակով, որը նպաստում է ռազմական հզորության ամրապնդմանը», ասվում է Չինաստանի առևտրի նախարարության հայտարարության մեջ։
Սակայն դեռևս տեղեկություններ չկան այն մասին, թե որ կոնկրետ ապրանքներն են ներառվելու այս ցանկում: Սա առաջին անգամն է, որ Պեկինը հայտարարում է հազվագյուտ հողային տարրեր մատակարարելուց հրաժարվելու մասին, և դա կարող է զգալի հարված հասցնել ճապոնական արդյունաբերությանը, որը մեծապես կախված է
Չինաստանից նման ապրանքներ գնելուց:
Հունվարի 8-ին Ճապոնիայի առաջին փոխարտգործնախարար Տակեհիրո Ֆունակոշին կանչեց Տոկիոյում Չինաստանի դեսպան Վու Ցզյանխաոյին և բողոքեց Չինաստանի կողմից Ճապոնիա ռազմական նպատակներով օգտագործվող կրկնակի նշանակության ապրանքների արտահանման վրա դրված էմբարգոյի դեմ։
