ԱՄՆ նախագահ Դոնալդ Թրամփը պնդում է, որ արևմտյան նավթային ընկերությունները հարյուր միլիարդավոր դոլարներ կներդնեն Վենեսուելայում։
Ուրբաթ երեկոյան Սպիտակ տանը լրագրողների հետ զրույցում՝ նախքան Ֆլորիդա նահանգի Ուեսթ Պալմ Բիչի մոտ գտնվող իր Մար-ա-Լագո կալվածք մեկնելը, ամերիկացի առաջնորդը գովաբանել է Վենեսուելայի հարցով արևմտյան նավթային ընկերությունների ղեկավարների հետ իր հանդիպումը։
Նա կարծում է, որ կարելի է վստահորեն ասել, որ հարցի էության վերաբերյալ համաձայնություն է ձեռք բերվել։
«Մենք հենց նոր հիանալի հանդիպում ունեցանք նավթային ընկերությունների ղեկավարների հետ։ Մենք, կարծես թե, համաձայնության ենք եկել», - վստահեցրել է Թրամփը։
«Նրանք կգան հարյուր միլիարդավոր դոլարներով՝ նավթ արդյունահանելու համար։ Դա հիանալի է Վենեսուելայի և Միացյալ Նահանգների համար։ Շատ գումար կվաստակվի։ Նավթի գները կնվազեն։ Չնայած դրանք արդեն բավականին զգալիորեն նվազում են։ Հունվարի 9-ին մենք հիանալի հանդիպում ունեցանք աշխարհի խոշորագույն ընկերությունների հետ», - ասել է Վաշինգտոնի վարչակազմի ղեկավարը։
