Սիրիայի կառավարական ուժերի և քրդերի գլխավորած Սիրիայի դեմոկրատական ուժերի միջև բախումները շարունակվում են։ Հրթիռակոծությունից վնասվել են Հալեպի հայկական թաղամասերը, մասնավորապես՝ հայաբնակ Շեյխ Թահա եւ Վիլլաներ շրջանները նյութական վնասներ են կրել։
«Արևելք»-ի տեղեկություններով, այս գիշեր արձակված հրթիռներից մեկը մտել է Հրաչ Քեյվանյանի բնակարանը, տունը քարուքանդ է եղել։
Հրաչ Քեյվանյանը «Արևելք»-ի հետ զրույցում ասել է, որ, բարեբախտաբար, մարդկային զոհեր չկան, քնից արթնացել են ուժգին ձայնից և փլուզման փոշի-աղմուկից՝ գիշերը՝ 3։45-ին։
Նա բնակվում է Վիլլաներ թաղամասում, տունն առաջին հարկում է։ Շրջակայքում կան նաև այլ ավերածություններ։
«Մեր վիճակը շատ գէշ է»,-ասել է Հրաչ Քեյվանյանը՝ նշելով, որ իսկական պատերազմ է, որի վերջը չի երեւում։
